19 Temmuz 2017 Çarşamba

    Azərbaycanlı model yeni fotosessiya ilə göz qamaşdırıb.

    Rovshanasadov.com xəbər verir ki, model Arzu Bağırova yeni "Smoki eyes" makyajı, saç düzümü və tacı ilə göz oxşayıb.


    Model: Arzu Bağırova
    Saç və makyaj: Stilist Meta
    Fotosessiya: Rövşən Əsədov

    Ekskluziv FOTOSESSİYANI sizə təqdim edirik:
    Category: articles

    14 Haziran 2017 Çarşamba

    "Elitar" gimnaziyada "Son zəng" günü valideyinlərə böyük hörmətsizlik edilib.


     Rovshanasadov.com -a övladları sözügedən gimnaziyada təhsil alan valideyinlərndən daxil olan məlumata görə onlar öz övladlarının "Son zəng" mərasiminə buraxılmayıblar.

    Daxil olan məlumatlarda gimnaziya qarşısına xeyli sayda mühafizəçi və polis cəlb edildiyi, birdən artıq valideyinin övladlarının "Son zəng" mərasiminə buraxılmadığı da qeyd edilir. 
     Səbəb olaraq isə valideyinlərə bunun birbaşa olaraq gimnaziyanin direktoru Sevda Quliyevanın tapşırığı ilə olduğunu bildiriblər. Buna narazılıq edən valideyinlər isə mühafizəçi hədə-qorxusu ilə üz-üzə buraxılıblar.
    Həmçinin valideyinlər direktorun şəxsi tapşırığı ilə bəzi vəzifəli şəxslərin övladlarının "Son zəng" mərasiminə birdən artıq valideyin və onların yaxınları buraxıldığını da bildirərək bundan narazı qaldıqlarını ifadə ediblər. 
    Daxil olan məlumat əsasında əməkdaşımız gimnaziyada olub və məsələ ilə bağlı rəsmi mövqe öyrənmək istəsə də o mühafizə xidməti tərəfindən gimnaziyadan uzaqlaşdırıb.
    Gimnaziya rəhbərliyinin mövqeyini dərc etməyə hazırıq.




    Category: articles

    12 Nisan 2017 Çarşamba

    Tanınmış azərbaycanlı müğənni Teymur Qədirov gənc jurnalitlə iş  birliyinə başladı. 
    Belə ki, müğənni görəcəyi işlərin təbliğatının aparılmasını Cümhuriyət qəzetinin əməkdaşı Rövşən Əsədova etibar etdiyini bildirib: "Bu gündən etibarən Cümhuriyyət qəzetinin mədəniyyət müxbiri Rövşən Əsədovla iş birliyinə başlayırıq. Görəcəyimiz işlər, yeni layihələr, proyektlər, keçirəcəyimiz tədbirlər, təqdimatlar, konsertlər barədə ətraflı məlumat almaq üçün onunla əlaqə saxlaya bilərsiniz". 

    Category: articles

    9 Nisan 2017 Pazar

    Demokratik dəyərləri nə dərəcədə sevdiyimi bütün dostlarım bilir.
    Həqiqətin gözünün içinə kifayət qədər dik baxmağı bacaran biriyəm.
    Bunu öncədən qeyd edirəm ki, tənqidi həzm edə bilməyənlər məni fantastik iddiaları ilə üz-üzə qoymasınlar. 
    Bugünkü mitinqdə kənarda sakitcə oturan ağsaçlı, nurani baba gördüm, dinməzcə bir küncə sinib meydanda danışanlara, baş verənlərə müşahidəçi qismində tamaşa edirdi...
    Məncə bu dəfə tribunaya o çıxmalı, o danışmalı idi. Yaşamından, həyatından, pensiyasından, səhhətindən,  problemlərindən... 
    Dışlanmış, kənardan seyrçi olaraq başını yelləyən insanlar danışmalı idi, amma danışmadılar, yaxud tribuna çox yüksəkdə idi, ora çıxa bilmədilər... 
    Ötən mitinqlərdəki təkrar, əzbərlənmiş nitqlər yenidən söyləndi. Ötən mitinqlərdəki şüarlar yenə səsləndi, ötən mitinqlərdəki insanlar əl çalaraq ötən mitinqlərdəki kimi dağılışdılar, sanki plan doldururmuşlar kimi metroya yol aldılar. 
    Yenə ötən mitinqlərdən sonrakı sükut... Yenə ötən dəfəki kimi nəticəsizliyə uğradılar, yenə neçənci dəfəki kimi uğursuzluğun qapısını döydülər... 
    Mitinqdə xalqın nümayəndələri danışmalı idi... Danışmalı idi ki, necə yaşayır, necə işləyir, iş tapa bilmir, ailəsini hansı zillətlə saxlayır, hansı əzab-əziyyətlərə qatlaşaraq övladını ehtiyac içində böyüdür, cırıq ayaqqabıda məktəbə getməsin deyə necə valideyinlik borcunu yerinə yetirir. Artıq sizin dediklərinizin hər bir cümləsini əzbərləmişik, hətta hansı cümlədən sonra hansı cümləni işlədəcəyinizi də bilirik, məncə yetər, deyilmi? 
    Əczaçı danışsın, danışsın ki, dərmanların qiyməti son aylarda necə artır. Danışsın ki, canını dərd bürümüş xalqımız dərman almağa pul tapa bilmir. 
    Həkimlərimiz danışsın. Danışsın ki, 220 manat əməkhaqqı ilə necə ailə saxlayır, danışsın ki, xəstələri müayinə haqqını ödəyə bilmədiyi üçün onu hansı müqəddəslərə and verdirir. 
    Müəllimlər danışsın. Danışsın ki, təhsilimizi gözlərini necə oyub çıxarıblar, danışsın ki, abituriyentlər ali məktəblərə, bakalavrlar magistraturaya qəbul olmaq üçün hansı çətinliklərlə üz-üzə, göz-gözə dayanıblar.
    Ziyalılar danışsın, psixoloqlar danışsın, kredit borcu olanlar, şəhid anaları, intihara hazırlaşanlar danışsın, XALQ danışsın, XALQ ! Bu dəfə siz susun, bir dəfə də XALQ danışsın, XALQ!
     Yazını mənbədən oxumaq üçün BURAYA tıklayın.
    Mənbə: Cebhe.info
    Category: articles

    13 Aralık 2016 Salı

    Reportaj üçün şəhərdə idim. İşimi yekunlaşdırıb metroya yan aldım. Yaman külək əsirdi. Fotoaparatımı çiynimə atdım ki, küləkdən nə desən çıxar. Qulaqlarım dona-dona gəldim metroya, "Sahil" stansiyasından düşdüm. Gecikmişdim vaqona, daha doğrusu axşamçağı adam çox idi deyə, minə bilmədim. Növbəti qatarı gözləməli oldum. Dostum da yanımdaydı. Başımız söhbətə qarışmışdı yaman.
    Qəfil kimsə arxadan mənə çiyin vurdu. Nə yalan deyim elə vəziyyətə düşdüm ki, gözümün içindəki kapilyarlardan sanki qan sızdı gözümün ağına. Təəccüb qaldım ki, kimdir  mənə çiyin vuran metroda? Elə gözü qanlı arxaya çönəndə dəhşətli spirt iyi vurdu üzümə. Qol-qola girmiş iki qız gördüm üzümə baxır. Dostum da sakit dayanmışdı. 
    Gözləri axan, səsi xırıldayan qız “bağışla” deyəndə belə bir cür oldum. Özümü yaşlı “day-day”ların çayxanaların qarşısında söz atdığı məktəbli qız kimi hiss elədim bir anlıq. Oldu, keçdi deyib dostumla söhbətimizə davam etdik. Qatarımız da gəldi, mindik. Vaqonu spirt qoxusu bürümüşdü. Bir az da vaqondakıların diqqətini yayındırmaq üçün dostuma ünvanlandım ki, nə qədər içmisən, boğuldu camaat. Qızlar da yanımızda idi, metronun "28 may" stansiyasında dostumu yola salıb yolumuza davam elədik. Qızlar isə elə hey çantalarında eşələnir, biri saqqız çıxarıb o birisinə verir, o birisi ətir yağı çıxardıb üz-gözünə sürtüb, o birisinə verir. Bu birisi üstünə ətir səpir. Vaqonumuzdan ətriyyat dükanının iyi gəlməyə başladı.
    Nəhayət qızın birini də "Gənclik" stansiyasında “yola saldıq”. Vaqona xeyli adam mindi. Əlində sellofan paket olan, ayağında ucuşiş və uzun olan qara çəkməli, qara sifət, saçları sahmansız bəy o qapının küncündən kənara çəkilib  yerini bu qıza verdi. Qızın isə içkili olduğunu demək olar hamı hiss etmişdi. Qız da sıxlıqdan sivişib elə o küncə girdi. Sıxlıqdan bu bəy də düz xanımla üz-üzə dayandı.
    Qız spirt qoxusuna görə özünü narahat hiss edirdi. Bəy də qızla üz-üzə dayandığı üçün qız pis durumda idi, üzünü gah sağa, gah sola çevirirdi ki, ağzından çıxan spirt qoxusu bəyin üzünə vurmasın. Oğlan başını qızın qulağına yaxınlaşdırıb pıçıldamağa başladı. Pıçıldadıqca qızı küncə sıxdığını da yan-yörəmdəkilər müşahidə edirdilər. Oğlan deyəsən, qızın qulağı ilə boğazının yerini də səhv salmışdı. Sonra qızın telefonunu aldı, lənət olsun, heç görmək istəmirdim, sadəcə ekran düz üzümə tərəf idi deyə oğlanın qızın içkili olmasından istifadə edib qızın telefonundan özünə zəng etdiyini gördüm. Qız isə sizi inandırım ki, nə baş verdiyinin fərqində belə deyildi, o dərəcədə içkili idi. Gah başını tutur, gah dəmirdən yapışıb müvazinətini saxlayır. Bəlkə də yaşamı dondurub ondan nə baş verdiyini, harda olduğunu soruşsan, cavab verməkdə belə çətinlik çəkərdi. Oğlanın isə kaftar kimi gözləri işıldayırdı, sanki xəstə doğulmuş bizon balası yaxalamışdı. Artıq oğlanın tez-tez udqunmağından, gözlərini yayındırmağından nələr hiss etdiyini başa düşmək olardı.
    Qızın beləliklə əlindən tutdu, belindən yapışdı və qızı özünə sıxdı... Bunlar təxminən bir neçə dəqiqə civarında, bir göz qırpımında baş verdi. Sonda isə qızın əlindən yapışıb onu "Koroğlu" stansiyasında düşürtdü. Oğlan qızı tanıyırdımı, tanımırdımı bilmirəm, qızı hansı məqsədlə, niyə düşürtdü bilmirəm, qızı hara apardığını da bilmirəm, amma bir onu bilirəm ki, oğlan qızlarla birgə metroya minməmişdi... Nə nəticəyə gələcəyiniz, nə nəticə çıxaracağınız qaldı sizin ixtiyarınıza...
    Mənbə: Cebhe.info
    Category: articles

    1 Aralık 2016 Perşembe

      Tanınmış teleaparıcı Kamilə Babayeva qala gecəsində iştirak edib. Nizami kinoteatrında baş tutan "Oğlan evi 2" filminin qala gecəsinə qatılan teleaparıcı gecəyə digər həmkarı, teleaparıcı Fariz İlyasovla qatılıb.
    Rövşən Əsədovun çəkdiyi fotoları sizə təqdim edirik.

    Rovshanasadov.com
    Tanınmış teleaparıcı Kamilə Babayeva qala gecəsində
    Category: articles

    30 Kasım 2016 Çarşamba

    "Avtovağzal" metrostansiyası ətrafında şəhərlərarası taksi xidməti göstərən yaşlı Bakı sakini. Onun sözlərinə görə qiymətlərin bahalaşması onun ailəsini çörəksiz qoyub: "Artıq insanlar da taksidən istifadə etmirlər, taksidən istifadə etməyə imkanları belə yoxdur. Biz də ancaq möcüzə gözləyirik, ailəmiz çörəksiz qalıb".
    Foto Rövşən Əsədov tərəfindən "Avtovağzal" metrostansiyası yaxınlığında çəkilib.

    Rovshanasadov.com
    Category: articles